Падчас уручэння граматы міністр культуры Рэспублікі Беларусь Юрый Бондар адзначыў, што вельмі важна захаваць тое багацце, якое дасталася ад папярэдніх пакаленняў беларусаў, таму што культура – гэта своеасаблівы мост паміж мінулым і будучыняй. Мы захоўваем гэтыя дасягненні, прымнажаем. На нас ляжыць вельмі вялікая адказнасць за тое, каб беларусы захавалі сваю ідэнтычнасць у свеце, які імкліва мяняецца, у якім сціраюцца межы.

– Нечакана і адначасова прыемна было атрымаць такую высокую ўзнагароду з рук міністра культуры. Наогул, вельмі хвалююча было знаходзіцца ў такім духоўным месцы, дзе сабраліся людзі, якія маюць самае непасрэднае дачыненне да захавання спадчыны нашай краіны, – падзялілася ўражаннямі Наталля Клімко. – Дзякуючы Ніне Пятроўне Шурак, на Навагрудчыне былі адноўлены і захаваліся традыцыі вырэзвання з паперы (выцінанкі-выбіванкі), якой сёння нададзены статус элемента нематэрыяльнай культурнай спадчыны Навагрудскага раёна, які ўключаны ў дзяржаўны спіс гістарычна-культурнай каштоўнасці Рэспублікі Беларусь. Сёння мы працягваем традыцыі і вучым гэтаму майстэрству дзяцей.