Свята хлебаробаў
Вынік працы рук нястомных
Свята хлебаробаў “Дажынкі -2016” прайшло ў минулую суботу ў СВК “Нягневічы”. Ва ўрачыстай абстаноўцы аграрыі падвялі вынікі напружанай працы і ўшанавалі лепшых працаўнікоў гаспадаркі.
СВК “Нягневічы” – адно з лепшых сельгаспрадпрыемстваў нашага раёна, дзе штогод атрымліваюць высокі ўраджай і значны валавы збор. Складальнікі паспяховага гаспадарання — шчырая і самаадданая праца, агульная зацікаўленасць у выніку і дысцыпліна. Ну і, безумоўна, гаспадарлівасць кіраўніцтва, прафесіяналізм спецыялістаў, асабістая адказнасць усіх і кожнага за даручаны ўчастак і справу.